Tamyz aıynda ótetin álemdik dodalardyń kúntizbesi
ASTANA. 5 tamyz. QazAqparat - «Alaman» tamyz aıynda bolatyn iri halyqaralyq týrnırlerdiń kestesin usynyp otyr.
Atap aıtqanda 5-11 tamyzda Gýandjoýda (Qytaı) Badmıntonnan álem chempıonaty, 5-12 tamyz aralyǵynda Semserlesýden Vengrııa astanasy Býdapeshte álem birinshiligi, 7-11 tamyzda Glazgoda (Shotlandııa) Velotrekter jasóspirimder arasyndaǵy álem chempıonaty, 8-11 tamyzda Maıamı qalasynda (AQSh) dzıýdodan kadetter arasyndaǵy álem birinshiligi, 10-18 tamyzda Máskeýde jeńil atletıkadan álem birinshiligi bolady.
Sonymen qatar 13-18 tamyzda Bolgarııa astanasy Sofııada kúres túrlerinen jasóspirimder arasynda álem chempıonaty ótedi. Al 16-24 tamyz aralyǵynda Qytaıdyń Nankın qalasynda Jasóspirimder arasyndaǵy Azııa oıyndary uıymdastyrylmaq.
Budan bólek, 20-25 tamyzda Zrenjanınde (Serbııa) Kúres túrlerinen kadetter arasyndaǵy álem chempıonaty, 16-29 tamyzda Dýbaıda (BAE) Sý sport túrlerinen jasóspirimder arasyndaǵy álem chempıonaty, 26 tamyz-1 qyrkúıek aralyǵynda Dzıýdodan Rıo de Janeıro qalasyndaǵy álem chempıonaty, 28 tamyz - 1 qyrkúıek aralyǵynda Kıevte (Ýkraına) Kórkem gımnastıkadan álem chempıonaty, sondaı-aq 29 tamyz - 1 qyrkúıekte Kanoe esýden Dıýsseldorf qalasynda (Germanııa) álem chempıonaty ótedi.
