Tamyz aıynda kúnkóristiń eń tómengi deńgeıiniń shamasy 17 335 teńgeni qurady

Bul týraly QR Statıstıka agenttiginiń baspasóz qyzmetinen habarlandy.

Agenttiktiń málimetterine qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2011 jylǵy tamyzda ótken aımen salystyrǵanda 4,4 paıyz, al 2010 jylǵy tamyzben salystyrǵanda 18,9 paıyzǵa ósken. Onyń qurylymynda et pen balyqty satyp alýǵa jumsalǵan shyǵystardyń úlesi 19,4 paıyz bolyp otyr. Sonymen qatar, sút, maı jáne toń maı ónimderi men jumyrtqa - 14,1 paıyz, jemister men kókónister - 16,4 paıyz, nan jáne jarma ónimderin - 7,5 paıyz, qant, shaı jáne dámdeýishterdi - 2,6 paıyzdy qurady.