Tamyz aıynda ınflıatsııa deńgeıi 100 paıyzǵa teń boldy - Statıstıka agenttigi
ASTANA. Qyrkúıektiń 13-i. QazAqparat /Marlan Jıembaı/ - Tamyz aıynda ınflıatsııa deńgeıi 100 paıyzǵa teń boldy. Bul týraly búgin elordada elimizdiń aǵymdaǵy jyldyń qańtar-tamyz aılaryndaǵy áleýmettik-ekonomıkalyq damýynyń qysqasha qorytyndylaryna arnalǵan baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.
«Ótken jyldyń jeltoqsan aıymen salystyrǵanda, tamyz aıynda tutyný baǵalarynyń ındeksi 104,6 paıyzdy qurady. Bul tamyz aıynda ınflıatsııa deńgeıiniń 100 paıyzǵa teń bolǵandyǵyn bildiredi. Tutyný baǵalary ındeksiniń qurylymyn qaraıtyn bolsaq, azyq-túlik taǵamdarynyń jáne aqyly qyzmetterdiń baǵalary 0,1 paıyzǵa tómendedi, al azyq-túlik emes taýarlardyń baǵalary 0,4 paıyzǵa artty. Osynyń bárin qosqanda jalpy ınflıatsııanyń deńgeıi 100 paıyzǵa, ıaǵnı 0-ge teń boldy», dedi Á.Smaıylov óz sózinde.
