Tamyz aıynda eldegi ınflıatsııa 0,3 paıyzdy qurady

Bul týraly QR Statıstıka agenttiginiń baspasóz qyzmetinen habarlandy.

Agenttiktiń málimetterine qaraǵanda, baǵa azyq-túlik taýarlaryna ótken aıda 0,1 paıyzǵa tómendegen. Al azyq-túlik emes taýarlary men aqyly qyzmet kórsetýlerge 0,5 paıyzǵa ósti. Sonymen qatar, ótken aıda baǵanyń tómendeýi jemis-kókónis ónimine 6 paıyz, al jańa jınalǵan kókónisterge - 10,1 paıyz, kartopqa - 9,1 paıyz, jemisterge - 1,4 paıyzǵa belgilendi.

«Baǵa deńgeıi shıki sútke 0,8 paıyz, jańa aýlanǵan balyqqa - 0,4 paıyz, qantqa - 0,3 paıyzǵa tómendedi. Baǵanyń ósýi jumyrtqaǵa 2,6 paıyzdy, et jáne qus etine - 1,9 paıyz, jarmaǵa - 0,9 paıyz, kondıterlik ónimderge - 0,7 paıyz, toqash jáne unnan daıyndalatyn kondıter ónimderine - 0,5 paıyz, alkogolsiz sýsyndarǵa - 0,4 paıyz, makaron ónimderine - 0,3 paıyzǵa tirkeldi. Sonymen birge, tsementke - 1,5 paıyz, kıim jáne aıaq kıimge - 0,3 paıyz, farmatsevtıka ónimderine - 0,2 paıyzǵa ósti. Benzın 3,1 paıyz, dızel otyny - 4 paıyzǵa qymbattady», - delingen baspasóz aıǵaǵynda. Budan bólek, jolaýshylar kóligi qyzmetteri 2,3 paıyz, densaýlyq saqtaý - 0,5 paıyz, bilim berý men mádenıet - 0,2 paıyzǵa baǵa joǵarylaǵan. Sondaı-aq, turǵyn úı- kommýnaldyq qyzmet kórsetýler salasynda tólem qoqys jınaýǵa 1,4 paıyz, taratý jelileri boıynsha tasymaldanatyn gazǵa - 0,7 paıyz, kárizge, ystyq sý men ortalyqtan jylytýǵa - 0,2 paıyzdan, sýyq sýǵa - 0,1 paıyzǵa ósken.