Tamyz aıynda dızel otyny ishki naryqta jetkilikti bola ma

ASTANA. QazAqparat – Qazaqstanda ishki naryqty qamtamasyz etýge arnalǵan dızel otynynyń 28 kúndik qory bar, dep habarlaıdy QazAqparat tilshisi.

«Munaı óńdeý zaýyttarynan jóneltilgen kólemdi eskere otyryp, eldiń munaı bazalaryndaǵy dızel otynynyń jıyntyq qaldyǵy 504 myń tonnany qurady. Bul kólem orta eseppen 28 kúnge jetedi. Onyń ishinde munaı óńdeý zaýyttaryndaǵy qor 67,6 myń tonna deńgeıinde», - delingen Energetıka mınıstrliginiń málimetinde.

Vedomstvo málimetinde, qazir dızel otynyna qatysty eleýli problema joq. Aldyn ala esep boıynsha tamyz aıynda ishki naryqqa 500 myń tonna dızel otyny kerek bolǵan. Degenmen, osy aıda 526 myń tonna óndiriletin boldy.

Bul turǵyda osy otyn túriniń jalpy kólemi 1009 myń tonnany quraıdy. ıAǵnı tamyz aıynyń basyndaǵy 483 myń tonna qaldyqqa jalpy óndiriletin 526 myń tonna kólemdi qosqanda osy kólem shyǵyp tur.

«Munaı óńdeý zaýyttarynyń qazirgi óndirý kólemi ishki naryqty tolyǵymen qamtamasyz etedi. Tamyz aıynyń sońyndaǵy dızel otynyń qaldyǵy shamamen 513 myń tonnany quraıdy», - dep atalyp ótken Enertegıka mınıstrligi aqparatynda.

Budan buryn habarlanǵandaı, 15 tamyzdaǵy jaǵdaı boıynsha eldiń munaı bazalarynda AI-92 markaly benzıniniń jıyntyq qaldyqtary 262 myń tonnany qurady. Bul kólem orta eseppen 19 kúnge jetedi.