Tamyz aıynda «Bolashaq» stıpendıattaryn jumyspen qamtýǵa arnalǵan forým uıymdastyrylady
ASTANA. Maýsymnyń 7-si. QazAqparat /Qanat Mámetqazyuly/ - Aǵymdaǵy jyldyń tamyz aıynda «Bolashaq» stıpendıattaryn jumyspen qamtý jóninde forým uıymdastyrylady. Bul týraly búgin 2010 jylǵy Qazaqstan Prezıdentiniń «Bolashaq» halyqaralyq stıpendııasyn taǵaıyndaý máselesine arnalǵan baspasóz máslıhaty barysynda QR Bilim jáne ǵylym mınıstrligi strategııa departamenti dırektorynyń orynbasary Aqerke Abylaıhan málim etti,
dep habarlaıdy QazAqparat.
Mınıstrlik ókiliniń aıtýyna qaraǵanda, «Bolashaq» stıpendıattaryn jumyspen qamtamasyz etý maqsatynda «Halyqaralyq baǵdarlamalar ortalyǵy» AQ-da jumysqa ornalastyrý bólimi ashylǵan. Ol boıynsha «Bolashaq» baǵdarlamasy arqyly shetelde bilim alǵan jastar atalǵan Ortalyqqa ózderiniń túıindemelerin jiberedi, sosyn Ortalyq elimizdiń jumys berýshilermen kelisimshart arqyly suranystardy qanaǵattandyrady.
«Budan bólek, bolashaqtyqtardy jumysqa ornalastyrý sharalary belsendi túrde júrgizilýde. Byltyrǵy jyly osy taqyrypta arnaıy forým ótkizilgen edi. Bul dástúr endi jalǵasyn tabatyn bolady. Bul rette aǵymdaǵy jyldyń tamyz aıynda da «Bolashaq» stıpendıattaryn jumysqa ornalastyrý jóninde forým ótkizý josparlanýda», dedi A. Abylaıhan.
