Tamyz aıynda bir qyzmetkerdiń ortasha jalaqysy 104 546 teńgeni qurady - Statıstıka
ASTANA. 11 qazan. QazAqparat - 2012 jylǵy tamyzdaǵy bir qyzmetkerdiń ortasha aılyq ataýly jalaqysy 104 546 teńgeni qurady.
Ataýly jalaqy ındeksi 2011 jylǵy tamyzǵa 112,3 paıyz, al naqty jalaqy ındeksi 107,2 paıyzǵa teń boldy. Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, salalyq qurylymda eń úlken jalaqynyń ken óndirý ónerkásibi jáne karerlerdi qazýda - 204,9 myń teńge (ortasha respýblıkalyq deńgeıden 2,0 esege asady), kásibı, ǵylymı jáne tehnıkalyq qyzmette 196,2 myń teńge (1,9 ese), qarjy jáne saqtandyrý qyzmetinde - 180,5 myń teńgege (1,7 ese) belgilengen. Al eń tómengi jalaqy kórsetkishi aýyl, orman jáne balyq sharýashylyǵy qyzmetkerlerinde belgilendi jáne bul 54,9 myń teńgeni quraǵan. Atalǵan kórsetkish el boıynsha orta kórsetkishten 47,5 paıyzǵa tómen.
Sonymen qatar, óńirlik bólinisterge kelsek, eń joǵarǵy jalaqy Atyraý oblysynda - 199,4 myń teńge shamasynda belgilendi. Bul ortasha respýblıkalyq kórsetkishten 1,9 esege asady. Al Soltústik Qazaqstan oblysynda munyń shamasy 71,0 myń teńgeni qurap, respýblıkalyq ortasha deńgeıden 32,1paıyzǵa tómen kórsetken.
