Tamyz aıynda Almatyda KVI taralýy sharyqtaý shegine jete me
Negizgi boljamǵa sáıkes, aýrýdyń shyńy tamyzdyń birinshi onkúndiginde bolady, kúnine 1600-ge jýyq jańa jaǵdaı tirkeledi.
Pessımıstik boljamǵa sáıkes, aýrýdyń sharyqtaý shegi 10-11 tamyzǵa keledi, táýligine 1900-ge deıin jańa jaǵdaı tirkeledi.
Tamyz aıynda - 34 500 jaǵdaı, al 2021 jyldyń qyrkúıeginde 4 500 jaǵdaı tirkelip, aýrý kórsetkishi tómendeıdi dep boljanyp otyr.
«7 myń ınfektsııalyq tósek-oryn daıyndaldy. Rezervte qosymsha 3000 tósek-oryn bar. Qıyn jaǵdaı úshin taǵy 2000 rezervtik tósek-oryn izdestirilýde. Sonymen qatar balalar men eresekterge, sonyń ishinde onkologııalyq turǵyndarǵa jedel jáne mamandandyrylǵan medıtsınalyq kómek kórsetý úshin barlyq mamandandyrylǵan klınıkalar saqtalǵan. 6 400 tósek-oryn bar», – dedi Narıman Tabynbaev.
Onyń aıtýynsha, 27 shildedegi jaǵdaı boıynsha statsıonarlarda 3 827 naýqas jatyr, onyń 239-y - balalar.
Óte aýyr jaǵdaıdaǵy naýqastar – 114. Aýyr jaǵdaıdaǵy naýqastar – 956. Infektsııalyq statsıonarlarda 500 reanımatsııalyq tósek-oryn bar.
Jumys júktemesi –52% (260 patsıent). Ókpeni jasandy jeldetýge 29 patsıent qosylǵan.
Ókpeni ınvazıvti emes jeldetýde – 105 naýqas jáne High Flo-da – 99 patsıent.
«Shtammdar agressıvti áser etýde, sonyń saldarynan ólim sany artýda. Barlyq kezeńde qaıtys bolǵandar sany – 1092. Bıyl 1 qańtar men 26 shilde aralyǵynda 703 adam qaıtys boldy. KVI-men kúreske 6 212 medıtsına qyzmetkeri jumyldyryldy. Rezervte 1700-den astam adam bar. Bul jumys baqylaýǵa alynǵan», – dedi qoǵamdyq densaýlyq saqtaý basqarmasynyń basshysy.
