Tamyz aıynda 467,8 myń qazaqstandyq jumyssyz boldy - Statıstıka
ASTANA. 13 qyrkúıek. QazAqparat - Respýblıka ekonomıkasynda 2012 jylǵy tamyzdaǵy jaǵdaı aıasynda (baǵalaý boıynsha) 8,6 mln. adam jumyspen qamtyldy.
Ótken jylǵy sáıkes kezeńge qaraǵanda olardyń sany 142,0 myń adamǵa nemese 1,7 paıyzǵa kóbeıdi.
QR Statıstıka agenttiginiń málimetinshe, jaldamaly qyzmetkerlerdiń sany atalǵan kezeńde 5,8 mln. adamdy (jumyspen qamtylǵandardyń jalpy sanynan 68,1 paıyzdy) qurady.
2012 jylǵy tamyzda jumyssyzdar sany, baǵalaý boıynsha, 467,8 myń adamdy, jumyssyzdyq deńgeıi 5,2 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2012 jylǵy tamyz aıynyń sońyna 61,5 myń adam («Jumyspen qamtý-2020» baǵdarlamasyna qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,7 paıyzy deńgeıinde boldy (2011j. tamyzda - 0,8%).
2012 jylǵy tamyzda baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,3 paıyzyn qurady.
