Tamyry bir túrki halyqtarynyń aspaptarymen jazylǵan erekshe klıp jaryqqa shyqty

ASTANA. QazAqparat - Túrkııa Respýblıkasynyń mádenıet jáne týrızm mınıstrliginiń túrik mýzykasy ansambliniń jetekshisi, túrik halqynyń dástúrli mýzykasynyń tanymal zertteýshisi Irfan Gıýrdaldyń túrki halqynyń túp-tamyrynan syr shertetin «Han shatyr» atty jańa beıneklıpi jaryqqa shyqty, dep habarlaıdy «QazAqparat» HAA tilshisi.

Ansambl jetekshisi bul joly dástúrli túrik mýzykasynan tyńǵa túren salǵan. «Han shatyr» klıpiniń ereksheligi - onyń jazylýynda Ortalyq Azııany mekendegen barlyq túrki tamyrly halyqtardyń ulttyq aspaptarynyń súıemeldeýimen jazylýynda. Klıp bastalǵanda-aq kerege men shańyraq birden kózge túsedi. Sazdy áýen shańqobyzdyń únimen bastalyp, klıp barysynda túrki halyqtarynyń jaýyngerlik sheberligi sýretteledi.

Jańa klıpte ansabl jetekshisi qazirgi túrikterdiń Ortalyq Azııadaǵy týysqan ulttarmen tarıhı baılanysyn kórsetkisi kelgen. Án tarıhı birlikke qurylǵan.

Aıta keterligi, Túrkııadaǵy beldi ansamblderiniń birine jetekshilik etetin Irfan Gıýrdal Qazaqstanǵa jıi kelip, kontsert berip turady. Ansambl jetekshisi 2015 jyly qazaqstandyq qobyzshy Aqerke Tájibaevamen birge «Aralap qobyz úni keń álemdi» atty kontsertte túriktiń «Ata bari» halyq ániniń áýezdi áýenin oryndaǵan bolatyn.