Tamyzdyń basynda soltústikte salqyndap, ońtústikte 44 gradýsqa deıin ystyq bolady
ASTANA. KAZINFORM – Qazgıdromet 31 shilde 1 tamyzǵa arnalǵan Qazaqstan boıynsha aýa raıy boljamyn jarııalady.
Atmosferalyq frontaldy bólimderdiń áserinen respýblıka boıynsha naızaǵaımen ótkinshi jańbyr jaýady, jel kúsheıedi, burshaq jaýýy múmkin, elimizdiń soltústik-batysynda, soltústiginde, shyǵysynda qatty jańbyr jaýady.
Tek Qazaqstannyń ońtústiginde, ońtústik-shyǵysynda Iran aýdandarynan qurǵaq aýa massalarynyń áserinen aýa raıy negizinen jaýyn-shashynsyz bolady.
Qazaqstannyń batys, soltústik-batys jáne soltústik óńirlerin qospaǵanda, eldiń basym bóliginde aýa temperatýrasy odan ári birtindep kóteriledi.
Batys, soltústik-batys jáne soltústikte qatty ystyqtan keıin 1 tamyzda aýa temperatýrasy kúndiz 25-35 jylyǵa deıin tómendese, ortalyqta, shyǵysta jáne ońtústik-shyǵysta termometrlerdiń baǵanalary 33-41 gradýs, ońtústikte 35-44 gradýsqa jetedi.
Aıta ketelik Batys Qazaqstanda ormanǵa kirýge tyıym salynǵan edi.
