Tamyzdyń alǵashqy onkúndiginde elimizde 1,2 mln tonna astyq jınaldy

ASTANA. KAZINFORM – Qazaqstannyń 8 óńirinde egin jınaý naýqany bastaldy. Prezıdent Qasym-Jomart Toqaevtyń tapsyrmasy boıynsha júrgizilip jatqan jumystar sheńberinde aýyl sharýashylyǵy taýaryn óndirýshilerdi qoldaýǵa erekshe nazar aýdarýda: qolaıly jaǵdaılar jasaý táýekelderdi azaıtýǵa jáne eldiń azyq-túlik qaýipsizdigin nyǵaıtýǵa yqpal etedi. Bul týraly Úkimettiń baspasóz qyzmeti habarlady. 

Búgingi tańda elimiz boıynsha 903,9 myń ga dándi daqyldar, 1,2 mln tonna astyq, 5,7 myń tonna maıly daqyldar, 343,6 myń tonna kartop, 1,1 mln tonna kókónis jáne 1,4 mln tonna baqsha daqyldary jınaldy. 

El boıynsha jappaı egin jınaý naýqany tamyzdyń úshinshi onkúndiginde bastalady. Egin jınaý jumystaryna barlyǵy 139 myń traktor, 31 myń astyq jınaıtyn kombaın, 17 myń oraq jáne 130 myń basqa tehnıka jumyldyrylady. Búgingi tańda jalpy daıyndyq 93%-dy quraıdy.  

Óńirlerge egin jınaý jumystaryn júrgizýge 254 teńge/lıtrge jeńildikti baǵamen 402 myń tonna dızel otyny bólindi, bul naryqtyq qunnan 18-20%-ǵa arzan.  

Eske sala keteıik, buǵan deıin Aýyl sharýashylyǵy mınıstrligi bıylǵy egin jınaý maýsymyna astyq saqtaý qoımalarynyń qanshalyqty daıyn ekenin málimdedi.