Tamyz aıynda ótetin UBT-ǵa ótinish qabyldaý bastaldy
ASTANA. KAZINFORM — Tamyz aıynda ótetin UBT-ǵa qatysý úshin ótinish qabyldaý bastaldy. Ótinimder qabyldaý 30 shildege deıin jalǵasady. Bul týraly Ǵylym jáne joǵary bilim mınıstrligi málimdedi.
UBT-ǵa tirkelý Ulttyq testileý ortalyǵynyń saıtynda júrgiziledi. Testileýdiń ózi 10-15 tamyz aralyǵynda ótedi.
Tamyzdaǵy UBT shekti ball jınaı almaǵan talapkerlerdiń testileýden qaıta ótip, JOO-ǵa aqyly negizde túsý múmkindigi bolýy úshin ótkiziledi. Tirkelý kezinde testilenýshiler emtıhan ótkiziletin oryndy, kúndi jáne ýaqytty ózderi tańdaıdy.
Tamyz aıyndaǵy UBT-ǵa osy jáne ótken jylǵy mektep jáne kolledj túlekteri, qandastar (QR azamaty bolyp tabylmaıtyn ulty qazaq azamattar), shyǵarmashylyq mamandyqtardan basqa mamandyqtarǵa, basqa mamandyqtardan pedagogıkalyq baǵyttarǵa aýysqysy keletin stýdentter jáne joǵary oqý oryndaryna shartty túrde qabyldanǵan stýdentter qatysa alady.
