Tamyz aıyna arnalǵan boljam: qaı óńirlerde qurǵaqshylyq bolady
ASTANA. KAZINFORM – Aldyn ala boljamǵa sáıkes, 2026 jyldyń tamyz aıynda Qazaqstannyń birqatar óńirinde atmosferalyq qurǵaqshylyq kútiledi.
Qazgıdromet málimetinshe, atmosferalyq qurǵaqshylyq Batys Qazaqstan oblysynyń Bókeıorda jáne Jánibek, Aqtóbe oblysynyń Shalqar jáne Yrǵyz, Atyraý oblysynyń Qurmanǵazy aýdandarynda boljanyp otyr.
Sondaı-aq Jetisý oblysynyń Alakól jáne Aqsý, Jambyl oblysynyń Moıynqum, Qordaı, Sarysý, Talas, Shý, Jambyl jáne Baızaq, Túrkistan oblysynyń Arys, Sozaq, Ordabasy, Shardara, Túlkibas, Báıdibek aýdandarynda qurǵaqshylyq bolýy yqtımal.
Budan bólek, Qyzylorda oblysynyń Aral, Qazaly, Qarmaqshy, Shıeli aýdandary men Qyzylorda qalasynda da atmosferalyq qurǵaqshylyq kútiledi.
Al Soltústik Qazaqstan oblysynyń Tımırıazev jáne Esil aýdandarynda, sondaı-aq Qostanaı oblysynyń Uzynkól jáne Qamysty aýdandarynda ylǵaldylyq deńgeıi ortasha bolady dep boljanýda.
Eldiń qalǵan aýmaǵynda ylǵaldaný jaǵdaıy klımattyq normaǵa jaqyn bolady dep kútiledi.
Aıta ketelik búgin eldiń basym bóliginde jaýyn jaýady.
