Tamerlan Tsarnaevtyń máıiti týystaryna berildi
ASTANA. 3 mamyr. QazAqparat - Bostondyq marafonnyń máre syzyǵynda bolǵan jarylystardy uıymdastyrdy degen kúdik keltirilip otyrǵan Tamerlan Tsarnaevtyń denesi týystaryna tapsyryldy.
Bul týraly Bı-Bı-Sı jazyp otyr.
Massachýsets shtatynyń qoǵamdyq qaýipsizdik departamenti ókiliniń aıtýynsha, 2 mamyr, beısenbi kúni Tsarnaevtyń týystary onyń máıitin alyp ketken.
Eske salaıyq, Tamerlan Tsarnaev tártip saqshylarymen atys barysynda alǵan jaraqattardan ajal qushty. Onyń inisi Djohar qolǵa tústi. Oǵan jappaı qyryp-joıatyn qarýdy qoldandy degen aıyp taǵylyp otyr.
15 sáýir kúni Bostondaǵy marafonda máre syzyǵynda oryn alǵan eki jarylystan 3 adam qaza boldy, 260-tan astamy jaraqattandy.
