Tamerlan Tsarnaev Výster qalasynda jerlenetin boldy
ASTANA. 5 mamyr. QazAqparat - AQSh-tyń Boston qalasyndaǵy jarylysty uıymdastyrýǵa qatysy bar degen kúdiktilerdiń biri - 26 jastaǵy Tamerlan Tsarnaev 6 mamyr kúni Výster qalasynda (AQSh, Massachýsets shtaty) jerlenetin boldy,
dep habarlaıdy álemdik BAQ. Bul týraly qaladaǵy jerleý bıýrosynyń ókili Pıter Stefan málimdegen.
Stefan qazir qabir orny qarastyrylyp jatqanyn aıtqan. Boston qalasy turǵyndarynyń kópshiligi Tsarnaevti jerleýge qarsylyq tanytýda.
Bostondaǵy terakt 15 sáýirde bolǵan edi. Jarylys saldarynan úsh adam mert bolyp, 260 adam jaralanǵan.
Osy lańkestikti uıymdastyrdy delingen aǵaıyndy Tsarnaevtardyń úlkeni - Tamerlan 19 sáýir kúni polıtseıler qorshaýy kezinde oqqa ushty. Kishisi - Djohar jaralanyp, qolǵa túsken edi. Kúdiktige ólim jazasy nemese ómir boıy bas bostandyǵynan aıyrý jazasy taǵaıyndalýy múmkin, dep jazady Baq.kz.
