Tamasha jeńiske jetken eki qazaqstandyq boksshy WBC reıtıngine endi
Oǵan sáıkes, birinshi aýyr salmaqta 29-orynda turǵan Isa Aqberbaev reıtıngten shyǵyp qaldy.
Jartylaı aýyr salmaqta jastar arasyndaǵy WBC tujyrymy boıynsha álem chempıony Álı Ahmedov úsh saty tómen syrǵyp, 18-orynǵa ornalasty.
Orta salmaq ókili Gennadıı Golovkın birinshi orynda tur, al Meıirim Nursultanov 36-orynnan 32-orynǵa kóterildi. Budan tys, amerıkalyq Stıven Martınesti nokaýtqa jibergen Jánibek Álimhanuly reıtıngke alǵash ret engizilip, 33-orynǵa turaqtady.
Birinshi orta salmaqtaǵy TOP-40 tizimine de qazaqstandyq sportshy jańadan engizildi. Ol - jastar arasynda WBC tujyrymy boıynsha álem chempıony atanǵan Sadrıddın Ahmedov. Tórtinshi raýndta meksıkalyq Abraham Hýaresti nokaýtqa jibergen 21 jastaǵy «Qazaq soldaty» 28-orynnan bir-aq kórindi. Osy tizimniń 40-satysynda WBC Asia beldiginiń ıesi Nursultan Jańabaev tur.
Birinshi jartylaı orta salmaqta óner kórsetetin Batyr Júkembaev ta bir saty joǵarylap, 24-orynǵa shyqty.