Tamara Qosybaeva 95 jasqa qaraǵan shaǵynda ómirden ozdy
Ulttyq kınony qoldaý memlekettik ortalyǵy Tamara Ókimetqyzynyń ómiri jarqyn ári shyǵarmashylyqqa toly bolǵanyn jazdy.
«1947 jyly jas Tamara KSRO Halyq ártisi Grıgorıı Roshal basqarǵan kınoakterlik mekteptiń túlegi atanady. Keıin aty ańyzǵa aınalǵan Natalıa Ilınıchna Sats basqarǵan TıÝZ-de qyzmet etti. Sodan keıin qaıtadan Tashkent teatr ınstıtýtyna oqýǵa túsip, oqýdy aıaqtaǵan soń Qazaq akademııalyq drama teatry men Qaraǵandy oblystyq drama teatrynda oınady. Árıne, súıikti kınematografta nazardan tys qalmady, aktrısa tek Qazaqstanda ǵana emes, Qyrǵyzstan, Ózbekstan jáne Reseıde de rólderdi somdady...» - delingen ortalyqtyń jazbasynda.
Ony «qazaqtyń naǵyz sulýy» dep ataıtyn, óıtkeni ártis Baıan sulýdyń obrazyn keremet somdap shyqqan. Keıin kórermender aktrısany Abdýlla Qarsaqbaevtyń «Balalyq shaqqa saıahat» fılmindegi bas keıipkerdiń anasy – dana áıel Áspetpen teńestire bastady. Odan soń kóptegen egde adamdardyń rólderin somdaı kele, Tamara Ókimetqyzy meıirim men mahabbatqa toly «halyq ájesine» aınaldy.
«Kıno – meniń ómirim, al akterlik – mamandyq emes, shıpasy joq dert ispettes. Siz ol álemge tolyqtaı enesiz. Men qazirgi ýaqytta romantızmge, shytyrman oqıǵalarǵa jáne árdaıym keremet kóńil-kúıge toly sahnany, rólderdi, gastrolderdi saǵyndym», - deıtin aktrısa.
Foto : kino-teatr.ru
