Tamara Dúısenova: Jumystan shyǵarylǵandarǵa ótemaqy tólenedi
ASTANA. QazAqparat - QR Eńbek jáne xalyqty áleýmettik qorǵaý mınıstri Tamara Dúısenova ótemaqynyń bir aılyq mólsherinde berilý máselesin túsindirdi, dep xabarlaıdy QazAqparat tilshisi.
«Kez kelgen kásiporyn jumysshylardy tartqanda jumystyń naqty kólemin belgileıdi.
«Ábý-Dabı Plazada» tórt kompanııa (qosalqy merdiger - avt.) úshin týra sondaı jumystyń kólemi belgilengen bolatyn. Ol jumys aıaqtaldy. Kelisimshartty rásimdegende naqty ýaqyt ta kórsetilgen edi. Kompanııa basshylary jumys kóleminiń azaıyp jatqanyn da eskerttik deıdi. Eńbek zańnamasynda ondaı talaptar bar», - dedi T. Dúısenova búgin Úkimette jýrnalısterge bergen suxbatynda.
Mınıstrdiń aıtýynsha, eńbek ınspektsııasy qurylys nysanyna baryp, jumys berýshi kompanııa basshylarymen kezdesti.
«Birinshiden, barlyǵyna jumys kóleminiń azaıyp jatqany týraly naqty eskertý qaǵazy qolǵa beriledi. Ekinshiden, 62 adamǵa bir aılyq ótemaqy tólenetin bolady. Nege bir aılyq ótemaqy? Eńbek zańnamasy boıynsha kásiporynnyń ekonomıkalyq jaǵdaıy kúrt nasharlap, jumysshylar jappaı bosatylsa, eki aılyq ótemaqy tólenedi. Al jumys kóleminiń azaıýy bolsa, onda bir aılyq ótemaqy beriledi», - dedi T.Dúısenova.
