Tamara Dúısenova: Zeınetaqy jınaǵyn paıdalaný shegin tómendetý máselesin jumys tobynda qaraımyz

ASTANA. QazAqparat –Eńbek jáne halyqty áleýmettik qorǵaý mınıstri Tamara Dúısenova Májilis depýtatynyń zeınetaqy jınaǵynyń bir bóligin paıdalaný shegin tómendetý trýraly usynysyna pikir bildirdi, dep habarlaıdy QazAqparat tilshisi.

«Byltyr zeınetaqy jınaǵyn paıdalanýdyń shegi belgilengen bolatyn. Ol aqshany halyq emdelýge jáne baspana jaǵdaıyn jaqsartýǵa paıdalana aldy. Endi sol formýla jumys isteıdi. Tek, paıdalaný shegi kóterildi. Óıtkeni bul mınımaldy eńbekaqy mólsheriniń deńgeıinen týyndap otyr. Men ondaı usynystardy estidim. Bul másele boıynsha qazir jumys toby Ulttyq bankpen, Qarjy naryǵyn damytý jáne retteý agenttigimen birge jumys istep jatyr. Sondyqtan biz muny jumys tobynda qaraıtyn shyǵarmyz», - dedi Tamara Dúısenova Úkimet kýlýarynda.

Eske salsaq, Májilis depýtaty Amanjan Jamalov zeınetaqy jınaǵyn paıdalaný shegin tómendetýdi usynyp, Úkimet basshysyna saýal joldaǵan bolatyn.