Tamara Dúısenova Vıktorııa Mınınanyń týystaryna kóńil aıtty
ASTANA. QazAqparat - QR Densaýlyq saqtaý jáne áleýmettik damý mınıstri Tamara Dúısenova jáne Mınıstrlik ujymy, Ana men bala ulttyq ǵylymı ortalyǵynda em qabyldap, esin jımaı qaıtys bolǵan Vıktorııa Mınınanyń týystaryna shyn kóńilden qaıǵylaryna ortaqtasyp kóńil aıtady, dep habarlandy vedomstvonyń saıtynda.
Jalpy alǵanda qyz bala ABUǴO-da «Zorlaý zardabynan keıingi tirkesken aýyr jaraqat. Bas mıynyń anoksıkalyq jáne metabolıkalyq zaqymdanýy. 3 deńgeıdegi koma» negizgi klınıkalyq dıagnozymen 87 táýlik em alǵan (2016 j. 27 tamyzdan bastap). Bala aýrýhanada jaǵdaıynyń aýyrlyǵyna baılanysty, balalar anestezııasy, jansaqtaý jáne qarqyndy terapııa bólimshesinde jatqan. Dem alýy ókpeni jasandy jeldetý apparatymen iske asyrylǵan.
Vıktorııany aman alyp qalý úshin dárigerler barlyq múmkindikterdi qoldandy. Balaǵa medıtsınalyq kómek kórsetilýi QR DSÁDM turaqty baqylaýynda boldy. Biraq a.j. 20 qazanda otandyq mamandar Moskva qalasynyń Shuǵyl balalar hırýrgııasy jáne travmatologııasy ǴZI-daǵy áriptesterimen birge patsıenttiń bas mı baǵanasy ólimin aıqyndady.
Aýrýhanada jatqan kezde Reseı, Ulybrıtanııa, Polsha jáne Izraıldiń belgili dárigerleriniń kóptegen konsýltatsııalary uıymdastyrylǵan bolatyn. Barlyq sarapshylar álemde osyndaı jaǵdaıda júıke júıesiniń fýnktsııalaryn qalypqa keltirýge múmkindik beretin ádistemelerdiń joqtyǵy týraly qorytyndy berdi.
Qyzdyń ómiri onyń aǵzasy tirshilikti qamtamasyz etetin apparat júıelerine áser etkenshe saqtalyp turdy.
