Tamara Dúısenova QR Eńbek jáne halyqty áleýmettik qorǵaý vıtse-mınıstri qyzmetine taǵaıyndaldy

ASTANA. 6 aqpan. QazAqparat - QR Úkimetiniń qaýlysymen Tamara Qasymqyzy Dúısenova eńbek jáne halyqty áleýmettik qorǵaý jańa vıtse-mınıstri bolyp taǵaıyndaldy, dep habarlady mınıstrliktiń baspasóz qyzmeti.

Buǵan deıin osy qyzmetti atqarǵan Serik Ábjálıuly Ahmetov óz ótinishimen bosatyldy.

T.Dúısenova 1965 jyly 11 qańtarda týǵan. Tashkent halyq sharýashylyǵy ınstıtýtyn ınjener-ekonomıst mamandyǵy boıynsha bitirgen. Ekonomıka ǵylymdarynyń kandıdaty.

Eńbek qyzmetin 1988 jyly ınstıtýt bitirgennen keıin Ońtústik Qazaqstan oblysynyń Saryaǵash aýdanynda orta mektepte aqparattaný pániniń muǵalimi bolyp bastady. Ártúrli jyldarda ol Shymkent qalasy ákiminiń birinshi orynbasary, eki ret Ońtústik Qazaqstan oblysy ákiminiń orynbasary qyzmetterin atqardy. Eńbek vıtse-mınıstri qyzmetine ekinshi ret taǵaıyndalyp ootyr.

Buǵan deıin ol osy vedomstvoda jaýapty hatshy boldy.