Tamara Dúısenova QR Eńbek jáne halyqty áleýmettik qorǵaý mınıstri qyzmetine taǵaıyndaldy
"Tamara Bosymbekqyzy Dúısenova Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndalsyn, ol Qazaqstan Respýblıkasynyń Densaýlyq saqtaý jáne áleýmettik damý mınıstri qyzmetinen bosatylsyn", - delingen jarlyq mátininde.
Tamara Dúısenova 1965 jyldyń 11 qańtarynda Ońtústik Qazaqstan oblysynda týǵan, ulty - qazaq, joǵary bilimdi, 1987 jyly Tashkent halyq sharýashylyǵy ınstıtýtyn bitirdi, mamandyǵy - ınjener-ekonomıst, ekonomıka ǵylymdarynyń kandıdaty. Eńbek jolyn 1988 jyly ınstıtýtty aıaqtaǵannan keıin Ońtústik Qazaqstan oblysy Saryaǵash aýdanyndaǵy orta mekteptiń ınformatıka pániniń muǵalimi qyzmetinen bastady. 1988 - 1992 jyldary Ózbek SSR-niń Memlekettik josparlaý komıtetiniń Ekonomıka ǵylymı zertteý ınstıtýtynyń ekonomısi bolyp jumys istedi; 1992-1993 jyldary - Ońtústik Qazaqstan oblysy Saryaǵash aýdandyq ákimshiliginiń aǵa ekonomısi; 1993-1994 jyldary - «Perızat-holdıng» kompanııasynyń bólim basshysy; 1994-1997 jyldary - Saryaǵash aýdany ákiminiń keńesshisi, orynbasary, birinshi orynbasary; 1997-1999 jyldary - Shymkent qalasy ákiminiń birinshi orynbasary; 1999- 2002 jyldary - Ońtústik Qazaqstan oblysy ákiminiń orynbasary; 2002-2006 jyldary - QR Eńbek jáne halyqty áleýmettik qorǵaý mınıstrliginiń vıtse - mınıstri; 2006 - 2008 jyldary - Ońtústik Qazaqstan oblysy ákiminiń orynbasary; 2008 - 2013 jyldary - QR Eńbek jáne halyqty áleýmettik qorǵaý mınıstrliginiń jaýapty hatshysy. 2013 jylǵy 6 aqpannan bastap QR Eńbek jáne halyqty áleýmettik qorǵaý vıtse-mınıstri. 2013 jylǵy 10 maýsymnan bastap - Qazaqstan Respýblıkasynyń Eńbek jáne halyqty áleýmettik qorǵaý mınıstriniń m.a., 27 maýsymnan bastap - Qazaqstan Respýblıkasynyń Eńbek jáne halyqty áleýmettik qorǵaý mınıstri, al 2014 jylǵy 6 tamyzdan Qazaqstan Respýblıkasy Densaýlyq saqtaý jáne áleýmettik damý mınıstri qyzmetinde boldy.
