Tamara Dúısenova BQO-da tutas aýyldy biriktirgen aýyl sharýashylyǵy kooperatıvin qurý tájirıbesimen tanysty
ASTANA. KAZINFORM – Vıtse-premer Tamara Dúısenova Batys Qazaqstan oblysyna jumys saparynda Qaratóbe aýdanynda «Aýyl amanaty» baǵdarlamasyn iske asyrý sheńberinde aýyl sharýashylyǵy kooperatsııasynyń tabysty tájirıbesimen tanysty. Bul týraly Úkimettiń baspasóz qyzmeti habarlady
Qaratóbe aýdany Qoskól aýylyndaǵy 227 aýlanyń barlyǵy «Jeńis Erhan» kooperatıvine birigip, óz óndirisin damytyp jatyr.
Memlekettik qoldaý sharalary fermerlerge 200 sútti sıyr men 900-ge jýyq qoı satyp alýǵa múmkindik berdi. Bıyl kooperatıv tehnıkany lızıng arqyly jańartqan.
Qazir fermerler aýyl sharýashylyǵy ónimderin óńdeýdi birlesip damytýda. Qoskól aýylynda óndirilgen sút jáne et ónimderi jergilikti naryqta úlken suranysqa ıe.
Tamar Dúısenovaǵa taýarly-sút fermasyn odan ári keńeıtý úshin qurylys jumysy bastalǵanyn habarlady.
Vıtse-premer aýyl sharýashylyǵy kooperatsııasynyń tıimdi tájirıbesine oń baǵa berip, BQO-na «Aýyl amanaty» baǵdarlamasy aıasynda respýblıkalyq bıýdjetten qosymsha 1 mlrd teńge bólingenin jetkizdi.
Bul qarajatty mal basyn kóbeıtý úshin ǵana emes, basqa baǵyttardy damytý úshin de paıdalaný qajet ekendigi atap ótildi.
