Tamara Dúısenova ár tórtinshi balaǵa 5 myń dollar tóleý usynysyna pikir bildirdi
ASTANA. KAZINFORM – Premer-Mınıstrdiń orynbasary Tamara Dúısenova Oqý-aǵartý, Ǵylym jáne joǵary bilim mınıstrlikteriniń birlesken alqa májilisinen keıin ár tórtinshi balaǵa 5 myń dollar tóleý usynysyna pikir bildirdi.
«Bul jóninde aıtsaq, bıyl Memleket basshysynyń tapsyrmasy boıynsha 1 qańtardan bastap «Ulttyq qor – balalarǵa» degen joba iske asa bastady ǵoı. Soǵan sáıkes sol qarajattyń bári balalardyń bastapqy kapıtaly retinde esepteledi. Sondyqtan biz ol máseleni tórtinshi bala emes, barlyq balalarǵa berý arqyly 18-ge deıingi balalardyń báriniń bastapqy kapıtal máselesi sheshildi dep aıtýymyzǵa bolady», - dedi ol BAQ ókiliniń saýalyna bergen jaýabynda.
Eske salsaq, Májilis depýtaty Gaýhar Tanasheva sol kezdegi Premer-Mınıstr Álıhan Smaıylovqa joldaǵan saýalynda eldegi demografııalyq ahýaldy «Otbasy kapıtaly» baǵdarlamasy arqyly jaqsartýdy usynǵan bolatyn.
