Tamaqty taýysyp jemeseńiz, aıyppul tóleısiz
ASTANA. QazAqparat - Saýd Arabııasynyń Damam qalasynda ornalasqan meıramhanalardyń biri tamaqty taýyspaǵan meımandar úshin aıyppul taǵaıyndap otyr, dep habarlaıdy sheteldik BAQ.
Meıramhana ákimshiligi tamaq qaldyqtaryn azaıtý úshin jáne azyq-túlikke jumsalatyn qarjyny únemdeý úshin osyndaı qadamǵa baryp otyr. Marmar meıramhanasynyń ıesi Fahad Ál Anezıdiń aıtýynsha, salynatyn aıyppul kólemi tabaqta qalǵan tamaq qaldyǵynyń mólsherine baılanysty bolyp keledi.
Meıramhana ıesiniń aıtýyna qaraǵanda, mekemege kóbinese qaltaly azamattar keledi. Ózderiniń áleýmettik jaǵdaılarymen maqtanǵysy kelgen olar úlken tapsyrystar jasaıdy. Alaıda tapsyrys bergen tamaqtyń kóbi jelinbeı qalady. Al bundaı jaǵdaı úlken ysyrapshyldyqqa alyp kelmek.
