Tamaqtaný sapasyn baqylaý, JOO-ǵa túsý: Qorǵanys mınıstrligi IT-jobalar baıqaýyn jarııalady
«Defense Tech 2.0» baıqaýyn Qorǵanys mınıstrliginiń enshiles uıymy – «Qazaqstan geoaqparattyq júıeler ortalyǵy» AQ Astana Hub Halyqaralyq IT-startaptar tehnoparkimen birlesip ótkizip jatyr.
Baıqaý qorǵanys jáne qaýipsizdik salasyndaǵy kreatıvti tehnologııalyq sheshimderdi izdeýge baǵyttalǵan.
Ázirleýshilerge úsh baǵyt boıynsha tehnologııalyq sheshimder jasaý usynyldy. Birinshisi – kýrsanttar men merzimdi qyzmettegi áskerı qyzmetshiler arasyndaǵy áskerı tártipti qamtamasyz etýdi baǵalaý jáne taldaý. Oǵan «tamaqtaný sapasyn baqylaý», «zattaı múlikpen qamtamasyz etýdi baǵalaý», «áskerı tártipti baǵalaý» modýlderi kiredi. Ekinshi baǵyt joǵary oqý oryndaryna oqýǵa grant alý úshin merzimdi qyzmettegi sarbazdardy irikteý krıterııleri boıynsha kópfýnktsıonaldy platformanyń nusqasyn jasaýdy kózdeıdi. Úshinshisi – Deftech portalyn jasaý.
Qorǵanys mınıstrligi daıyndaǵan tehnıkalyq tapsyrmalar Astana Hub saıtynda jarııalandy.
Іrikteý týry osy jyldyń 28 qarashasynda ótedi. Jeńimpazdar baǵdarlamalyq ónimderdi tanystyrý jáne olardy qosymsha zerdeleý qorytyndylaryna qaraı anyqtalady.
Jeńimpazdardyń jobalary kelisimshartqa qol qoıa otyryp, tapsyrys berýshiniń bazasynda pılottyq rejımde iske qosylatyn bolady.
Saıysqa 18 jastan asqan Qazaqstan azamattary, IT-kompanııalar, pılottyq jobany iske asyrý úshin jetkilikti resýrstary bar startaptar qatysa alady.
