Tamaq ónimderi men balalar oıynshyqtary qaýpi joǵary tutyný taýarlary sanatynda
ANA. 23 aqpan. QazAqparat /Aınur Kenebaeva/ - Tehnıkalyq retteý jáne metrologııa komıtetiniń aýmaqtyq departamentteri 2010 jyldyń qorytyndysy boıynsha ónimderdiń tehnıkalyq reglament talaptaryna sáıkestigin anyqtaý,
tutyný ónimderiniń qaýipsizdigin qamtamasyz etý maqsatynda jalpy sany 5900 tekseris júrgizgen. Shara nátıjesinde 3076 (tekseristerdiń jalpy sanynyń 52%) jaǵdaıda zańmen belgilengen talaptardyń buzylǵandyǵy anyqtaldy.
Bul jóninde búgingi baspasóz maslıhatynda 2010 jyl boıynsha tehnıkalyq retteý jáne metrologııa salasyndaǵy zańnamada belgilengen talaptardyń saqtalý retin memlekettik baqylaý qorytyndylaryn usynǵan Tehnıkalyq retteý jáne metrologııa komıtetiniń tóraǵasy Ryskeldi Sátbaev málim etti.
Tekseris barysynda anyqtalǵandaı, aıryqsha basymdylyqqa ıe tamaq, jeńil ónerkásip ónimderi men balalarǵa arnalǵan oıynshyqtar qaýpi joǵary tutyný taýarlary sanatynda qalyp otyr.
Tamaq ónimderine qatysty júrgizilgen 1560 tekseristiń 829 jaǵdaıynda (53%) ereje men talap buzý faktileri anyqtalǵan. Erekshe basymdylyqqa ıe ózge de taýarlarǵa qatysty kórsetkishter mynadaı: jeńil ónerkásip buıymdary (sonyń ishinde balalar kıimi, mektep formasy) - 79%, balalar oıynshyǵy - 64 %.
