Tamaq qaldyqtary durys joıylýy kerek: Almatyda meıramhanalarǵa baqylaý kúsheıtiledi
Almaty turǵyny Erbolat Dosaevpen kezdesý barysynda meıramhanadaǵy tamaq qaldyqtaryn durys joıý máselesin kóterdi, dep habarlaıdy QazAqparat tilshisi.
Medeý aýdany turǵyndarynyń biri shahar basshysyna qoqys jáshikterine jaqyn mańdaǵy meıramhanalar tamaq qaldyqtaryn ákep tastaıtynyn aıtyp shaǵymdandy.
«Abaı dańǵyly men Pýshkın kóshesiniń qıylysynda ornalasqan meıramhanalar tamaq qaldyqtaryn bizdiń konteınerlerimizge tastaıdy. Úlken qara sómkelerdegi qoqys túni boıy jatady. Restoratorlar aı saıyn 68 myń teńge tóleıtinin, ekinshi kelisimsharty bar ekenin aıtady. «Tártip» AQ-men kelisim boıynsha olar qatty turmystyq qaldyqtardy bizdiń konteınerlerge tastaýǵa ruqsattary bar eken. Endi tipti tamaq qaldyqtaryn da tastaıtyn boldy. Bul durys emes qoı», - deıdi aýdan turǵyny.
Medeý aýdanynyń ákimi Erkebulan Orazalın tamaq qaldyqtary týraly restoratorlarmen jumys istep jatqandaryn jetkizdi.
«Olar bólek kelisimsharttar jasady. Meniń orynbasarym turǵyndarmen tikeleı baılanysta bolady. Eger taǵy shaǵym tússe, biz taǵy da kóremiz», - deıdi aýdan ákimi.
Qala basshysy Erbolat Dosaev aýdan ákimine meıramhanalardyń tamaq qaldyqtaryn ýtılızatsııalaýyna baqylaýdy kúsheıtýdi tapsyrdy.
«Restoratorlarmen jasalǵan kelisimshartty qaıta qaraý kerek. Belgilengen ýaqytta protsestiń barlyq qatysýshysymen qoqysty shyǵarý múmkindigin anyqtaýdy suraımyn, bul yńǵaıly bolady. Keshki saǵat 22:00 nemese 23: 00-de», - dedi qala ákimi.
