Tamaǵyna kóptegen pyshaq jaraqatyn salǵan: BQO-da áıeldi óltirgen kúdikti izdestirilýde
BQO polıtsııa departamentiniń baspasóz qyzmeti málim etkenindeı, oqıǵa 9 naýryz kúni Zachagan kentindegi jeke úılerdiń birinde boldy.
Saǵat 18.30-da zorlyqpen óltirilgen 1950 jyly týǵan áıeldiń denesi tabylǵan. Aldyn ala málimet boıynsha kúdikti onyń tamaǵyna kóptegen pyshaq jaraqatyn salǵan. Múrde sot-medıtsınalyq saraptamaǵa jiberildi.
«Qazirgi kezde QR QK 99-baby 2-bóligine (adam óltirý) jáne 192-babyna (qaraqshylyq) sáıkes sotqa deıingi tergeý amaldary júrgizilýde. Asa aýyr qylmysty ashýǵa barlyq jeke quram jumyldyryldy. Oǵan qatysy bar adamdar tizimi jasalýda. Barlyq tıisti saraptamalar taǵaıyndaldy. Atalǵan qylmystyq is departament bastyǵynyń erekshe baqylaýyna alyndy. Basqa aqparat QR Qylmystyq is júrgizý kodeksiniń 201-babyna sáıkes jarııa etilmeıdi», - dep habarlady vedomstvodan.