«Talyp qalǵanym joq»: Taldyqorǵanda vaktsına alǵan medbıke vıdeoúndeý jarııalady
«Oblystyq aýrýhananyń ınfektsııalyq bóliminiń medbıkesimin. Keshe №2 emhanaǵa COVID -19-ǵa qarsy vaktsına alýǵa bardyq. Vaktsına alar aldynda ýaıymdaǵannan keıin júregimniń soǵysy qatty bolyp, sol jerde maǵan alǵashqy kómek kórsetildi. Alǵashqy kómek kórsetilgennen keıin jaǵdaıym jaqsaryp úıge qaıttym. Al Instagram-jelisinde meni «sol jerde talyp qalypty», meni «jansaqtaý bólimine alyp ketipti» degen aqparattyń bári jalǵan ekendigin aıtqym keledi», - dedi vıdeo avtory.
Sondaı-aq, medbıke beınejazbada óziniń jumysta otyrǵanyn jáne jaǵdaıy jaqsy ekenin jetkizedi.
«Úsh aptadan keıin kelesi vaktsınamdy alýǵa daıynmyn», - deıdi ol.
Aıta keteıik, buǵan deıin áleýmettik jelide Taldyqorǵanda vaktsına alǵan medbıkeniń esinen tańyp qalǵandyǵy jóninde aqparat jarııalanǵan bolatyn.
Al Almaty oblystyq Densaýlyq saqtaý basqarmasy baspasóz qyzmetiniń hatshysy Láılim Áýbákirova turǵyndardan tek resmı derekterdiń aqparatyna júginýge shaqyrdy.