Talondyq júıe nesıelendirýdiń ashyq ári jyldam júrýin qamtamasyz etedi
NUR-SULTAN. QazAqparat - Talon nesıe berý jumystarynyń ashyq ári jyldam júrýin qamtamasyz etedi, dep habarlaıdy «Aýyl sharýashylyǵyn qarjylaı qoldaý qory» AQ-nyń baspasóz qyzmeti.
Baspasóz málimetterine qaraǵanda, bıyl 1 qańtardan bastap «Aýyl sharýashylyǵyn qarjylaı qoldaý qory» AQ klıentterge qyzmet kórsetýdiń talondyq júıesin engizgen bolatyn.
Klıentterge nesıe alý úshin ótinim tapsyrǵan kezde olarǵa negizgi málimetter kórsetilgen talondar berilip jatyr. Bul talondar sharýashylyq bastaýǵa ótinim berýshiler úshin óte tıimdi.
Bul júıe nesıe berý jumystaryn barynsha ashyq ashyq etedi. Talonda nesıeleý sharttary, tapsyrylǵan qujattardyń tizimi, ótinim berilgen kúni men ótinimdi qarastyrý aıaqtalatyn kún kórsetiledi. Ótinimdi qarastyrý protsesi saıt arqyly kórsetiledi. Klıent óz ótinimi týraly qoldanylyp jatqan sharalardy kazagro.kz portalyna tirkelip, kóre alady.
Talonda klıenttiń aty men nesıeleý baǵdarlamasy, qarjylandyrý kózi, qarjy somasy, protsenttik ústeme, negizgi borysh pen syıaqy boıynsha jeńildetilgen merzim, ótinimdi qabyldaǵan menedjerdiń málimetteri men baılanys telefony kórsetiledi.
Talon klıenttiń qarjylandyrýǵa qajetti qujattar paketin tapsyrǵanyn dáleldeıdi.
Talon basylǵannan keıin nesıeleý ótinimi qarastyrýǵa jiberiledi. Klıent kazagro.kz portalyndaǵy jeke kabınetke kirip, óz ótinimi boıynsha júrip jatqan protsesti bile alady.
«Talondyq júıeniń negizgi artyqshylyqtarynyń birine toqtalatyn bolsaq, buryn klıent nesıe ótinimin tapsyryp, uzaq ýaqyt jaýap kútetin. Qujattardyń tolyq paketin tapsyrǵanyn rastaı almaıtyn. Jaýapty qyzmetkerden belgili bir merzimnen keıin jaýap ala almaıtyn. Klıentke ótinimine qatysty kimnen ne suraý kerektigin bilý qıyn bolatyn. Al, myna talondyq júıede tapsyrylǵan ótinimmen tikeleı aınalysatyn qyzmetkerdiń aty-jóni, baılanys telefony kórsetiledi», - deıdi «Aýyl sharýashylyǵyn qarjylaı qoldaý qory» AQ nesıeleý departamentiniń dırektory Gerrard Baal.
Taǵy bir máseleni aıta ketken jón. Ol - ótinim tapsyrǵannan bastap, klıenttiń nesıe alýyna ruqsat berilgenge deıingi aralyqta ketetin ýaqyt máselesi.
«Kóp jaǵdaıda ýaqyt kepildikke qoıylatyn múlikti zańdastyrmaǵandyqtan sozylyp ketedi. Mysaly, keıbir adamdardyń aýlasynda qorasy bar bolǵanymen ol tehpasportta kórsetilmeýi múmkin. ıAǵnı, mal ustaıtyn qorasynyń qujatpen zańdastyrylýy shart. Budan basqa da kepildikke qoıatyn jer ýchaskeleri, tehnıkalary jáne taǵy basqa da múlikteri zańdastyrylǵan bolýy tıis. Sondyqtan, ótinimdi qaraý ýaqyty qujattardy tolyq jınap, ótinim tapsyrylǵan kúnnen bastap esepteledi. Sonymen qatar, ótinimderdi qaraý merzimi ońtaılandyryldy», - dep atap ótti nesıeleý departamentiniń dırektory Gerrard Baal.
Bıyl ótinim bergen zaemshylar alǵash ret talondyq júıeni paıdalanyp, onyń artyqshylyqtaryna kóz jetkizdi. Bul júıeni burynǵylarmen salystyrýǵa múlde kelmeıdi. Alys aýyldarda turatyn sharýalar jolǵa aqsha shyǵaryp, ýaqytyn ketirip sabylmaıtyn boldy. Munyń aldynda qosymsha suraqtar týyndasa nemese keıbir talaptardy túsinbeı jatsa ofıske kelýge jáne onda kezekke turyp qanshama ýaqyt joǵaltýǵa týra keletin. Al, talondyq júıe - ótinimniń qaralý protsesin aýylda otyryp-aq kórýge múmkindik beretin qarapaıym júıe. Ásirese shalǵaı aýyldarda turatyn azamattar úshin óte qolaıly. Sondyqtan, nesıe alýǵa ótinim beremin deýshiler osy júıeni meńgerip alǵandary abzal. Ol úshin oblys ortalyqtaryndaǵy, Nur-Sultan, Almaty jáne Semeı qalalaryndaǵy «Aýyl sharýashylyǵyn qarjylaı qoldaý qory» aktsıonerlik qoǵamynyń fılıaldaryna habarlasý qajet nemese baryp tolyq málimet alǵan durys. Aldyn ala keńesti 8 800 080 3505 tikeleı jeli telefony arqyly alýǵa bolady.
