«Tallınn - Eýropanyń mádenı astanasy 2011» baǵdarlama sheńberinde Qazaqtyń kıno kúnderi ashyldy
ASTANA. 30 qyrkúıek. QazAqparat. 27 qyrkúıekte tallınndyq Artıs kınoteatrynda «Tallınn - Eýropanyń mádenı astanasy 2011» baǵdarlamasy sheńberinde Qazaqtyń kıno kúnderi ashyldy, dep habarlaıdy QR SІM baspasóz qyzmeti.
Ashylý saltanatynda sóz sóılegen Qazaqstannyń Elshisi Ǵalymjan Qoıshybaev kınofestıval Qazaqstan Respýblıkasynyń Táýelsizdiginiń 20 jyldyǵyna arnalyp Qazaqstan Respýblıkasy Prezıdenti Nursultan Nazarbaevtyń sáýir aıynda Tallınnde tabysty bolyp ótken memlekettik sapary shenberinde bizdiń elder arasyndaǵy jan-jaqty istestikti nyǵaıtý týraly kelisimderdi qısyndy jetildiretinin atap ótti.
«Tallınn - Eýropanyń mádenı astanasy 2011» baǵdarlamasynyń uımdastyrý komıtetiniń ókili - Tallınn qalasy ákiminiń orynbasary Mıhaıl Kylvart qazaq kınofestıvaliniń uıymdastyrýshylaryna alǵys aıtyp bul shara estondyq astanasynyń mádenı ómirin baıytqanyn atap ótti.
Tallınndegi qazaqtyń kıno kúnderin ashqan «Seker» fılmin estondyq kórermenderge rejıser Sábıt Qurmanbekov ózi usyndy. Qazaqstandyq rejıser qazaq kınosynyń búgingi kúnde damyp kelýin atap osyndaı sharalar halyqtarymyzdyń mádenı baılanystaryn nyǵaıtyp bir-birine jaqynyraq jáne túsinikti bolýyna kómek beretinine senim bildirdi.
Festıval barysynda estondyq kórermenderge Qýat Ahmetovtyń «Kimsiz, Ka myrza?», Kanaǵat Mýstafınniń «Serpinis», Farhat Sharıpovtyń «Alqyzyl qoıan týraly ertek» jáne Slambek Táýekeldiń «Jeruıyq» fılmderi usynylady.
Tallınndegi Qazaqtyń kıno kúnderiniń eston tarapynan Mádenıet mınıstrligimen, «Kýltýrkapıtal» qorymen jáne Estondyq Ulttyq qoǵamdarynyń «Lıra» odaǵymen yntymaqtastyqta «Otaký» kınojaımalaý kompanııasy jáne Qazaqstan tarapynan Qazaqstannyń Baltyq elderindegi Elshiligi birlesip uıymdastyryp otyr.
