Talqylaýdan keıin toqtap qalǵan Kókjaılaý jobasy aldaǵy ýaqytta qalaı damıdy

ALMATY. KAZINFORM — Almaty taý klasterin, onyń ishinde Kókjaılaý jobasy damıdy. Bul týraly «Ulttyq shańǵy qaýymdastyǵy» ZTB bas hatshysy Asqar Valıev málim etti. 

— Kókjaılaý jobasy erekshe nazar aýdarýǵa laıyq. Ol ekologııalyq ornyqty damý qaǵıdattaryna, tabıǵı resýrstardy saýatty paıdalanýǵa negizdelgen. Búginde búkil álem osy baǵytta jyljyp keledi. Sońǵy talqylaýdan keıin Kókjaılaý jobasy toqtatyldy, biraq soǵan qaramastan biz búkil álemde, ásirese, bizdiń óńirde úlken damýdyń júrip jatqanyn bilemiz. Sheshýshi qadam jasaıtyn ýaqyt jetti. Shymbulaq pen Oı-Qaraǵaı taý kýrorttaryn biriktireıik, olardyń arasynda ornalasqan shaǵyn demalys oryndarynyń barlyǵyn damytaıyq. Biz Almaty taý klasterin, onyń ishinde Kókjaılaý jobasyn damytamyz, — dep atap ótti Asqar Valıev.

Sonymen qatar, ol Shymbulaqta halyqaralyq jarystardy ótkizý jáne jattyǵýlar úshin zamanaýı ınfraqurylym qurý qajet ekenin tilge tıek etti.

— Jumys istep turǵan taý shańǵysy kýrorttarynyń, atap aıtqanda, Shymbulaqqa kelýshiler sany shamadan tys artqan. Bul sportshylardyń kásibı daıyndyq múmkindikterin shekteıdi, — dep atap ótti ol.

Aıta keteıik, Premer-mınıstr Oljas Bektenov Almatyda memlekettik organdar men uıymdar basshylyǵy jáne otandyq, halyqaralyq sarapshylar qoǵamdastyǵy ókilderiniń qatysýymen salany odan ári damytý máseleleri boıynsha keńes ótkizdi.