Tálipterdiń «dáýi» óltirildi
ÁBÝ-DABI. 2 qarasha. QazAqparat - «Talıban» qozǵalysynyń pákistandyq bóliminiń basshysy juma kúni ushqyshsyz ushý apparatynyń soqqysynan qaza boldy, dep habarlady aımaqtyq buqaralyq aqparat quraldarynan.
Hakımýlla Mehsýd Pákistannyń kópten beri izdeýde júrgen qylmyskerleriniń biri. AQSh úkimeti tálibterdiń jetekshisi jaıly aqparat bergen adamǵa 5 mln. AQSh dollaryn berýge ýáde etken bolatyn. H.Mehsýd Soltústik Vazırstan provıntsııasynda - Pákistan-aýǵan shekarasynda tálibterdiń arasynda jasyrynyp júrgen.
AQSh-tyń ushqyshsyz ushaqtary Mıranshah qalasynan bes shaqyrymda ornalasqan Danda Darpa Hel jerine 4 zymyran ushyrǵan. «Talıban» jetekshisinen basqa, kem degende 4 adam qaza tapty. Olardyń arasynda onyń jeke oqqaǵary men júrgizýshisi boldy.
