Tálipter shabýylynan NATO-nyń 3 sarbazy qaza tapty
ASTANA. QazAqparat - Aýǵanstannyń ońtústigindegi Gılmend provıntsııasynda tálipterdiń shabýylynan NATO-nyń 3 sarbazy qaza tapty, dep jazady 24.kz.
Halyqaralyq áskerı alıansy ókiliniń aıtýynsha, jol boıyna ornatylǵan jarylǵysh qurylǵy alystan radıo qural arqyly iske qosylǵan. Al aýǵan bıligi jarylysty mototsıklge mingen jankeshti jasady dep málimdedi.
Lańkestik áreketti «Talıban» qozǵalysy óz moınyna aldy. Olar eki brondy tehnıkanyń joıylǵanyn habarlady.
Sondaı-aq el astanasy Kabýlda beıbitshilik jónindegi joǵarǵy keńes basshysynyń kóligine shabýyl jasaldy. Jankeshti jasaǵan jarylystan bir adam qaza taýyp, úsheýi jaralandy. Keńes basshysynyń ózi zardap shekpegen.
Tálipter mamyr aıynyń ortasynda jazǵy shabýyldar kezeńi bastalǵanyn jarııalaǵan bolatyn. Byltyrǵy jyly ektremısterdiń qolynan NATO-nyń 44 jaýyngeri mert boldy. Olardyń 30-y - AQSh azamattary.
