Tálipter Qundyzdan ketetinin málim etti
ASTANA. QazAqparat - "Talıban" qozǵalysy óz maqsatyna jetkendikten Aýǵanstannyń soltústigindegi Qundyz qalasynan áskerin shyǵaratynyn habarlady. "Talıban" sodyrlary sońǵy eki aptada bul aýdanda úkimettik áskermen shaıqasqan, dep jazady Bı-bı-sı.
Tálipterdiń baspasóz hatshysy sodyrlar Qundyzdaǵy túrmeden júzdegen jaqtasyn bosatyp alǵanyn, sonymen qatar áskerı tehnıkany jaýlap alǵanyn aıtty.
Tálipter Qundyzdy qyrkúıekte basyp alyp, úsh kúndeı sonda ústemdik etken. Aýǵan áskeriniń aqparatynsha, qazir qalany úkimet tolyq baqylap otyr.
Aýǵanstannyń ońtústiginde Gaznı provıntsııasynda jańa qaqtyǵystar týyndaǵan. Gaznı qalasynda, aldyn ala boljam boıynsha, tálipter ushyrǵan zymyran eki adamdy óltirdi. Jergilikti turǵyndar jappaı bul aýdannan ketip jatqany týraly habarlar túsip jatyr.
