Talıbter Túrkimenstan shekarasynda aýǵan áskerılerine shabýyl jasady
ÁBÝ-DABI. QazAqparat - Túrkimenstanmen shekaradaǵy Bala Mýrgab aýdany Badgıs provıntsııasynda «Talıban» qozǵalysynyń sodyrlary aýǵan shekara qyzmetiniń eki júzden astam sarbazyna shabýyl jasady.
Aýǵanstannyń Baıtys aımaǵyndaǵy shekara polıtsııasyn basqarýshy Djýma Gıýl Adel shabýyldyń bolǵanyn rastap, sońǵy úsh kúnde talıbtermen aýyr qaqtyǵystar bolyp jatqanyn aıtty.
Dj. Adeldiń sózine qaraǵanda, shekara beketi jergilikti shekara polıtsııasy mekemesin basyp alýǵa árekettenip jatqan myńnan astam «Talıban» sodyryn qorshaýǵa alyp jatyr. Aýǵanstannyń 207-áskerı korpýs komandıri general Mohammad Tadj Djahed aımaqqa qosymsha áskerı kúsh jiberilgenin aıtty. Sonymen qatar áýeden shabýyl jasaý kózdelip otyr.
