Tálibter bir aı boıy oq atpaıtyn boldy
ASTANA. QazAqparat - Pákistandyq tálibter el bıligimen kelissózderdi jandandyrý úshin bir aı merzimge qaqtyǵystardy doǵaratynyn jarııalady. Bul týraly «Talıbannyń» ókili Shahıdýlla Shahıd málim etti.
Onyń sózine qaraǵanda, tálib komandırleri qozǵalystyń barlyq múshelerin osy sheshimge syılastyqpen qaraýǵa shaqyrdy.
Aıta keteıik, jaqynda tálibter men bılik arasyndaǵy kelissózder júrgizý talpynysy sátsiz aıaqtaldy. Tálibter ózderine qarsy áskerı operatsııalar toqtatylǵannan keıin kelissózderdi jandandyrýǵa daıar ekenin málimdegen bolatyn. Budan buryn Pákistan premeri Navaz Sharıf tálibterdiń bazalaryna áýeden soqqy berýge ruqsat bergen bolatyn.
