Tálibter Aýǵanstan prezıdenttigine basty úmitkerge qastandyq jasady
ASTANA. QazAqparat - Aýǵanstanda Abdýlla Abdýllanyń prezıdenttik ornyna basty úmitkerlerdiń birine qastandyq jasaldy. Iran BAQ taratqan aqparat boıynsha, tálibter oǵan shabýyl jasaǵan.
Sársenbi kúni Kabýl provıntsııasynda 54 jastaǵy burynǵy syrtqy ister mınıstriniń avtokóligine ol Nangarhar provıtsııasyndaǵy saılaýaldy mıtıngisinen qaıtyp kele jatqanda oq jaýdyrylǵan. Oqıǵa saldarynan Abdýllanyń úsh oqqaǵary ólim qushty, taǵy birnesheýi jaralandy.
Rosbalttyń atap ótýinshe, taıaýda Geratta saıasatkerdiń eki seriktesi óltirilgen.
Aıta keteıik, 2014 jyldyń 5 sáýirine belgilengen prezıdent saılaýyna qatysýǵa 11 úmitker tirkelgen. Olardyń bárine saılaýaldy naýqandy ótkizý úshin bronetransporterlar men oqqaǵarlar berilgen.
