«Talıban» uıymynyń 10 dala komandıri qaza tapty
ASTANA. QazAqparat - Aýǵanstan áskeri «Talıban» radıkaldy qozǵalysynyń 10 dala komandırin óltirdi, dep habarlady 24.kz.
Áýe kúshteri operatsııany eldiń soltústigindegi Baglan provıntsııasynda júrgizgen. Sodyrlardyń taǵy bir jetekshisi jaraqat aldy.
Aýǵanstan qorǵanys mınıstrliginiń habarlaýynsha, áýe soqqylary lańkester jınalys ótkizip jatqan kezde jasalǵan. «Talıban» uıymynyń ókilderi bul shabýyl týraly ázirge eshqandaı málimdeme jasaǵan joq.
Úkimet qarýly kúshteri Baglan provıntsııasynda 3 áskerı bazany ekstremısterden tazartyp, tutqynnan júzden astam sarbazdy bosatty.
