Talıban Pákistandaǵy jarylysty óz moıynyna aldy
ASTANA. QazAqparat - Pákistannyń Lahor qalasynda bolǵan jarylys úshin jaýapkershilikti Talıban qozǵalysy óz moıynyna aldy. Sońǵy málimetter boıynsha, oqıǵa saldarynan kem degende 69 adam qaza tapty.
Talıbterdiń ókili qastandyq qalanyń hrıstıandar kóp turatyn bóliginde ádeıi júzege asyrylǵanyn atap ótti.
Jarylys jeksenbi kúni tańerteń, qala ortalyǵyndaǵy Gúlshan-ı-Ikbal saıabaǵynyń janyndaǵy kólik turaǵynyń qasynda, oıyn alańynan birneshe metr jerde boldy.
Bul jerde Pasha merekesin toılaý úshin búkil otbasymen jınalǵan jergilikti hrıstıandar kóp bolǵan.
Polıtsııa komıssarynyń orynbasary Mohammad Ýsman jaraqat alǵan adamdardyń sany 190-nan asyp ketkenin málimdedi.
