«Talıban» qozǵalysy aýǵan ýnıversıtetterinde áıel jazǵan kitaptardy oqýǵa tyıym saldy

ASTANA. KAZINFORM – «Talıban» úkimeti Aýǵanstan ýnıversıtetterinde áıelder jazǵan kitaptar boıynsha bilim berýge tyıym saldy.

Armenpress-tiń BBC-ge silteme jasap habarlaýynsha, joǵary oqý oryndarynda sondaı-aq adam quqyǵy jáne seksýaldyq qysym kórsetý boıynsha sabaq berýge bolmaıdy.

«Hımııalyq zerthanadaǵy qaýipsizdik» degen ataýmen belgili kitapty qosa alǵanda áıel jazǵan 140 kitap Talıban saıasaty men shárıǵatqa qarsy ıdeıalary bar, jalpy alańdaýshylyq týdyratyn 680 kitaptyń tizimine engizilgen.

«Talıban» qozǵalysynyń Joǵary kóshbasshysy jaqynda Aýǵanstannyń keminde 10 provıntsııasynda talshyqty-optıkalyq ınternetke tyıym saldy. Basty sebep - atalmysh júıeler arqyly ádepsizdik nasıhattalady.

BBC-diń habarlaýynsha, bul tyıymdar adam ómiriniń kóptegen baǵyttaryna áser etti, ásirese áıelderge qatty zııany tıip otyr. Óıtkeni Aýǵanstanda qyz balaǵa altynshy synyptan soń bilim alýǵa tyıym salynǵan. Al akýsherlik kýrsy 2024 jyly jabylyp qalǵan.

«Talıban» Aýǵanstan bıligine tórt jyl buryn, ıaǵnı, 2024 jyly AQSh qoldap kelgen Islam Respýblıkasyn taıdyryp qaıta keldi. «Talıban» kelgen soń AQSh pen NATO áskeri Aýǵan jerinen shyǵaryldy.

Osyǵan deıin Aýǵanstanda úılený toıyndaǵy birqatar rásimge tyıym salynǵany týraly jazdyq.