Talıban áıelderge endi satýshylarmen saýdalasýǵa tyıym saldy

ASTANA. KAZINFORM – Talıbannyń izgilikti nasıhattaý jáne jamandyqtyń aldyn alý mınıstrligi óziniń jańa zańy arqyly áıelderge qatysty shekteýlerdi kúsheıtti. Atap aıtqanda, áıelderge satýshylarmen saýdalasýǵa tyıym salyndy. Bul týraly Hasht e Subh Daily habarlady.

Keıbir provıntsııalardaǵy «Talıbannyń» moraldyq polıtsııasy er adamdarǵa áıelderine qatysty tıisti buıryqtar shyǵarǵany atap ótildi. Olar áıelder satýshylarmen saýdalasqan kezde olardyń daýysyn beıtanys er adamdar estıtinin jáne bul «erkekterdi azǵyratynyn» alǵa tartty. 

Talıbandardyń pikirinshe, áıelder sóılespeı, saýdalaspaı saýda jasaýy kerek.

Moral polıtsııasy ózderiniń jańa zańdaryn oryndaý úshin zorlyq-zombylyq áreketin kúsheıtti delinedi. Azamattar bul zańǵa qatty alańdaýshylyq bildirdi. Olar bul qysym, kek alý, qýǵyn-súrgin jáne jappaı qorlaý sekildi jaǵdaılardy týdyrady deıdi. «Talıban» áıelderdiń qolǵap kıip, betin tolyǵymen jabýy kerek ekenin alǵa tartty.

Aıta keteıik, Qazaqparat agenttigi tilshisi «Aýǵan kartseri: Talıban nege áıelderdi adam quqyǵynan aıyrdy» taqyrybynda taldaý jasaǵan bolatyn.