«Talıban» Aýǵanstandy basqarý úshin 12 adamnan turatyn keńes qurady – BAQ

NUR-SULTAN. QazAqparat – «Talıban» radıkaldyq qozǵalysynyń basshysylyǵy Aýǵanstandy basqarý úshin keńes qurýǵa nıetti, oǵan 12 adam kiredi, sonyń ishinde eldiń burynǵy úkimetiniń birneshe múshesi de kiredi. Bul týraly dúısenbi kúni qozǵalys kóshbasshylaryna jaqyn derekkózderge silteme jasap Foreign Policy jýrnaly jarııalady, dep habarlaıdy QazAqparat TASS agenttigine silteme jasap.

Málimetterge sáıkes, keńeste eń bedeldi úsh adam – «Talıban» saıası qanatynyń kóshbasshysy Abdýl Ǵanı Baradar, «Talıban» áskerı komıssııasynyń basshysy Moýlavı ıAkýb jáne «Hakkanı jelisi» dıversııalyq toptyń dala komandıri jáne basshysy Sıradjýddın Hakkanı.

Basylymnyń atap ótýinshe, tálipter Aýǵanstanda prezıdent nemese qandaı da bir kóshbasshy qyzmetin ornatqysy kelmeıdi. Bul rette olar eldiń burynǵy úkimet múshelerine óz tańdaýy boıynsha jańa kabınette mınıstrlik qyzmet usynýǵa nıetti. «Talıban» halyqaralyq qaýymdastyqtyń moıyndaý múmkindigin arttyrý úshin osylaısha ınklıýzıvti kórinetin úkimet qurmaq.

Baradar jáne ıAkýbqa jaqyn derekkóz málimetinshe, tálipter basqarýshy úkimet quramynda tanymal dala komandıri Ahmad Shah Masýdtyń (1953-2001) balasy, «Pandjer arystany» laqap atymen tanymal, kezinde Soltústik alıans kóshbasshysy bolǵan Ahmad Masýdty da kórgisi keledi. Alaıda, basylymnyń atap ótýinshe, bul ekitalaı, sebebi Masýd qazirgi kezde Pandjer provıntsııasynda júrgen tálipterge qarsylyq kórsetý kúshterin basqardy.