Talǵat Jaılaýovtyń ornyn basatyn hokkeıshini qarap jatyrmyz - Arı-Pekka Selın
ASTANA. QazAqparat - Búgin Astanada "Barys" klýby ashyq jattyǵý ótkizip, tilshilermen baspasóz máslıhatyn uıymdastyrdy.
Tilshiler jankúıerlerdiń "ystyq yqylasynan" zardap shekken Talǵat Jaılaýovtyń halin surady.
"Qazirgi ýaqytta ol emdelip jatyr. Pleı-off synynyń ekinshi kezeńinde Salavat ıÝlaevpen bolatyn oıynda onyń ornyn basatyn oıynshyǵa kóńil aýdarýymyz qajet. Al Talǵattyń muz aıdynyna qashan shyǵatyndyǵy belgisiz", - dep atap ótti ol.
Aıta keteıik, Astanada «Barys» shabýylshysy Talǵat Jaılaýov tótenshe oqıǵaǵa tap bolyp, jaraqattanyp qaldy.
Komandany shırek fınalǵa shyǵýymen quttyqtaý úshin Astana áýejaıyna jınalǵan jankúıerler Talǵat Jaılaýovty qoldarymen kóterip, aspanǵa atqan. Alaıda olar hokkeıshini ustap tura almaı, jerge túsirip aldy. 28 jastaǵy sportshy basymen jer súze qulady. Jerden ózdiginen tura almaı jatyp qalǵan oıynshynyń mıyna zaqym kelgen, ol aýrýhanaǵa jetkizildi.
Eske sala ketsek,«Barys» Gagarın kýbogynyń shırek fınalyna shyqty. Olar 1/8 fınalda «Avtomobılısti» 4:0 esebimen utty.
