Talǵat Jaılaýov jaraqatynan aıyqty
ASTANA. QazAqparat - Qazaqstannyń Shaıbaly hokkeıden ulttyq quramasynyń oıynshysy Talǵat Jaılaýov búgin álem chempıonatyna daıyndyq aıasynda Mıchýrıno bazasynda ótken ashyq jattyǵýǵa qatysty.
Hokkeıshiler 1 saǵatqa jýyq ýaqyt boıy túrli kombınatsııalardy pysyqtaý arqyly komandalyq áreketterge daıyndyqtaryn arttyrdy.
Bizdiń komandanyń bapkeri Arı-Pekka Selın oqtyn-oqtyn sportshylardyń jattyǵýyn toqtatyp, olardyń oıyndaryna túzetýler engizip otyrdy.
Talǵattyń aıdyndaǵy qımylyna qaraǵanda ol alǵan jaraqatynan aıyqqan syńaıly. Aldaǵy birinshilikte óz komandalastarymen birge oınaı alady.
Aıta keteıik, Qazaqstannyń shaıbaly hokkeıden ulttyq quramasy Álem chempıonatynyń alǵashqy oıynyn 10 mamyr kúni Germanııa komandasymen ótkizedi.
Sondaı-aq, bizdiń hokkeıshiler Belarýs Respýblıkasynyń, Latvııa, Reseı, AQSh, Shveıtsarııa jáne Fınlıandııa quramalarymen kezdesedi.
