Talǵat Jaılaýov «Nomad» komandasynyń bas bapkeri boldy

ASTANA. KAZINFORM - Belgili hokkeıshi Talǵat Jaılaýov astanalyq «Nomad» komandasynyń bas bapkeri qyzmetine taǵaıyndaldy.

Keıingi jyldary bapkerlikke bet burǵan ol qazirge deıin klýb júıesinde túrli qyzmet atqardy. Ótken álem chempıonatynda Talǵat Qazaqstan ulttyq quramasynyń bapkerler shtabyna kirdi.

Oǵan Konstantın Pýshkarev, qaqpashylar bapkeri Aleksandr Kýdrıavtsev, jalpy dene shynyqtyrý boıynsha jattyqtyrýshy Sergeı Levdanskıı kómektesedi.

«Nomad» 12 shildede medıtsınalyq tekserýden ótkennen keıin oqý-jattyǵý jıynyn bastaıdy.

Talǵat Jaılaýov 1985 jyly Óskemen qalasynda dúnıege kelgen. Óz mansabynda «Qaztsınk-Torpedo», «Barys», «Nomad», «Saryarqa» klýbtarynda oınady.

Ulttyq qurama sapynda uzaq jyldar boıy elimizdiń namysyn qorǵady.

Eske salsaq, elordalyq «Barys» komandasynyń jańa maýsym aldyndaǵy daıyndyq jospary belgili boldy.