Talǵat Jaılaýov Mınskide ótetin álem chempıonatyna qatysady ma?
ASTANA. QazAqparat - Astanalyq «Barys» komandasynyń shabýylshysy Talǵat Jaılaýov Kontınentaldyq hokkeı lıgasyna komandamen beriletin jaraqat alǵandardyń tiziminen shyqty, dep habarlaıdy Vesti.kz tilshisi KHL saıtyna silteme jasap.
T.Jaılaýov jaraqat alǵandardyń tizimine Astananyń halyqaralyq áýejaıyndaǵy oqıǵadan keıin engen bolatyn. Jankúıerler ony kóterip, sálden soń qulatyp alǵan-dy. Nátıjesinde sportshynyń mıy shaıqalyp, moıyn omyrtqasy zaqymdandy degen dıagnoz qoıyldy. Hokkeıshiniń naqty qashan jazylatyny týraly aıtylmaǵandyqtan, Jaılaýov Mınskide ótetin álem chempıonatyna qatyspaýy múmkin degen boljam aıtyldy. Endi sportshy álem birinshiliginde qazaqstandyq quramanyń sapynda óner kórsetedi degen úmit paıda boldy. Eske sala ketsek, jaraqaty úshin shabýylshy Gagarın kýbogy jolyndaǵy jarysta ýfalyq «Salavat ıÝlaevpen» bolǵan tartysta óz komandasyna kómektese almady. Hokkeıden álem chempıonaty 9-25 mamyr aralyǵynda Mınskide ótedi. Al kelesi aptada el qurmasy atalǵan jarysqa daıyndyqty bastaıdy.
