Talǵat Jaılaýov «Barysqa» qaıta oralady

ASTANA. KAZINFORM – Qazaq hokkeıiniń aty ańyzǵa aınalǵan cportshysy Talǵat Jaılaýov «Barys» sapynda 3h3 lıgasynda óner kórsetedi, dep habarlaıdy Sports.kz. 

Bul týraly ınsaıder Artýr Haırýllın óziniń Telegram-arnasynda habarlady.

Óskemendik túlek astanalyq «Barys» sapynda 12 maýsym ótkizdi. Oǵan deıin 5 jyl boıy «Qaztsınk-Torpedonyń» namysyn qorǵady. Forvard Qazaqstan quramasy sapynda 9 álem chempıonatynda da óner kórsetti. Hokkeıshiniń sońǵy klýby 2020-2021 jylǵy maýsymda «Saryarqa» boldy.

Oıyndyq mansabyn aıaqtaǵan Talǵat Jaılaýov «Nomad» pen «Barysta» jattyqtyrýshy, «Saryarqa» klýbynyń dırektory qyzmetin de atqardy.